PAWKIE PAITERSON'S AULD GREY YAUD

Brian Johnstone- B'jo, Gail Gibbard.,- Whistle, Maia Holliday,- chorus.

1. As Aw was gaun up Hawick Loan, Yeh Monanday at morn,
Aw heard a paiur auld grey mair gi'e mony a heavy groan,
Gi'e mony a heavy groan, sir, and this she said to mei-
"Aw'm Pawkie Paiterson's auld grey yaud, Sei how they're guidin' mei!
Aw'm Pawkie Paiterson's auld grey yaud, Sei how they're guidin' mei! (rep')

2.The miller o' Hawick Mill bred mei,
And that Aw dae weel ken'
The miller o' Hawick Mill fed mei
Wi' mony a sort o'corn.
But now the case is altered,
And this ye plainly sei-
Aw'm Pawkie Paiterson's auld grey yaud,-Sei how they're guidin' mei (rep')

3.When a' the rest's set tae the corn
Aw'm sent oot to the fog'
When a' the rest's set to the haye
Aw'm sent oot to the bog.
It's aw gaed into Hawick Moss,
'Twas like to swally mei-
Aw'm Pawkie Paiterson's auld grey yaud, Sei how they're guidin' mei! (rep')


4.And as for Nellie Harkness
She ryses in the morn,
And cries "O' Godsakes, uncle!
The Yaud's amang the corn"
Hei tuik his muckle plow-staff,
And cam' and swabbit mei-
Aw'm Pawkie Paiterson's auld grey yaud, Sei how they're guidin' mei! (rep')

5.There's auld Rob Young o'the Back Raw,
Hei's of'en shod ma clutes,
Sae Aw wull leave him ma shankbanes
To bei a pair o' butes
If hei push his legs weel in them,
They'll come up till his knei-
Aw'm Pawkie Paiterson's auld grey yaud, Sei how they're guidin' mei! (rep')

6.As for the minister o'Wilton,
His coat it is worn thin,
And for to keep him thrae the cauld
Aw'll leave him ma auld skin,
Wi' hide and hair, to keep him warm
As lang as it's dune mei-
Aw'm Pawkie Paiterson's auld grey yaud, Sei how they're guidin' mei! (rep')

7.And as for Stonie Stewart
He's of'en scarce o'stanes
And for to mend his auld fail dykes,
Aw'll leave him ma auld banes;
And a' the callants o' Hawick Loan
Wull make banefires o' mei-
Aw'm Pawkie Paiterson's auld grey yaud, Sei that's the end o' mei! (rep')