Twa Corbies      Trad. Arr. Johnstone. 
Tells of a speculative conversation between two crows sitting on one of the many 
"dry-stane" walls or dykes, discussing how they are going to best use the various 
body parts of a young knight lying nearby, who has been killed in battle. 

As I was walkin' all alane, I heard twa Corbies makin' a- mane. 
The yin untae the ither did say-o "Whaur sall we gaun and dine the day-o? 
Whaur sall we gaun and dine the day?" 

"In ahint yon auld fail dyke, I wot there lies a new slain knight. 
Naebody kens that he lies there-o, but his hound an' his hawk and his lady fair-o 
His hound an' his hawk an' his lady fair". 

"His hound is tae the huntin' gane, his hawk tae fetch the wild fowl hame. 
His lady's taen anither mate, so we maun mak' oor dinner swate-o', 
So we maun mak' ooer dinner swate". 

"O' ye'll sit on his white hause-bane, and I'll pike oot his bonny blue ee'n. 
Wi' a lock o' his golden hair, we'll theke oo'r  nest when it grows bare-o. 
We'll theke oo'r nest when it grows bare."

O' mony a yin for him mak's main, but nane sall ken where he is gane, 
O'er  his white banes when they grow bare-o; the wund sall blaw forever mair-o. 
the wund sall blaw forever mair.